Tren sa Japan, ikinumpara sa bansa… JED, DISMAYADO SA GOBYERNO SA ‘PINAS, TUMALAK SA SOCMED

ni Julie Bonifacio @Winner | June 24, 2026

Photo:FB Jed Madela

Kumuda ang singer na si Jed Madela dahil sa pagkadismaya sa transportation system sa bansa. 

Nagpunta kasi si Jed sa Japan recently to do a show with co-singer na si Jona at hindi niya maiwasang maikumpara ito sa ‘Pinas.

During his free time, gumala si Jed sa iba’t ibang lugar sa Japan. At habang namamasyal, hindi niya napigilan ang kanyang disappointment sa gobyerno.

Post niya sa Facebook (FB), “Taking the train from Nagoya to Tokyo, I feel sad… Why can’t we have nice things like these in the Philippines?”

Agree naman ang mga kababayan sa FB post ni Jed.

“So true! ‘Pag nasa ibang bansa talaga, masa-sad ka na lang para sa ‘Pinas! Kahit magandang transpo lang sana ang meron tayo!”

“‘Di ba, napakalaki ng difference. Ultimo public toilet, ang ganda. ‘Yung mga park, super-ganda. Kung puwede lang na dito na tumira….”

“We can if we have less corrupt government officials.”

“Maraming buwaya, ang tataba.”

‘Yun na!

---

PERSONAL na nagpakita ng kanyang pakikiramay si Sofia Andres sa pumanaw na basketball player ng Ateneo University de Manila (ADMU) na si Rene Baterbonia.

Pumunta mismo ang aktres sa wake ng basketbolista sa Talacogon, Agusan del Sur kahapon.

Isa si Sofia sa mga celebrities na very vocal sa social media about their feelings sa pagkamatay ng Ateneo player.

Ipinost ni Sofia ang kanyang thoughts sa sinapit ni Rene at ng isa pang namatay na kapwa niya basketball player ng Ateneo na si Divine Adili.

Pahayag ni Sofia, “As a woman, a mother, and someone who understands what it means to carry responsibilities for the people you love, ‘di ko maiwasang maantig sa kuwento nina Rene at Adili.

“Behind all the headlines and noise, I see two people with dreams, families, and loved ones who depend on them. Bilang mga breadwinner, ‘di lang sarili nilang kinabukasan ang dala nila, kundi pati ang pag-asa ng kanilang mga pamilya.”

Aniya pa, “At nakita rin natin kung paano magmahal ang mga Pilipino. The outpouring of support, empathy, and concern for these two athletes is a reminder of who we are as a people — marunong tayong makiramay, umunawa, at tumindig para sa kapwa.

“My hope is that truth, fairness, and compassion will always prevail. Na sa ating bansa, ang hustisya at pag-asa ay ‘di nakadepende sa estado sa buhay, kundi pantay na naipagkakaloob sa lahat.

“Para ito sa lahat ng may malalaking pangarap. Sa lahat ng lumalaban para sa pamilya. At sa paniniwalang may puwang pa rin ang malasakit, dignidad, at pagkakapantay-pantay sa ating lipunan.”

Unlike other stars na nagpunta sa wake ng Ateneo basketball player na na-bash, humanga ang mga netizens kay Sofia.

Sey ng mga netizens…

“Breadwinner din kasi ‘to kaya nasasaktan din s’ya sa pagkawala ni Rene. God bless, Miss Sofia Andres.”

“Beautiful inside & out.”

“Natuloy nga s’ya.”