ni Ronalyn Seminiano Reonico | April 5, 2021
Magbibitiw sa puwesto bilang transport minister ng Taiwan si Minister Lin Chia-lung matapos ang madugong insidente kung saan marami ang nasawi sa train crash noong nakaraang linggo sa eastern city ng Hualien.
Kumpirmadong 50 katao ang nasawi at 200 ang sugatan matapos bumangga sa isang truck ang express train na may lulang 500 pasahero noong Biyernes.
Ayon kay Lin sa kanyang Facebook page, magbibitiw siya sa puwesto pagkatapos ng pagsasagawa ng rescue operations.
Aniya, “I should have accepted all the criticism over the past few days, but we have not done well enough.”
Kasalukuyan pa ring iniimbestigahan ng awtoridad ang insidente.