Toy For The Bigboy no. 1 sa Condition Race

ni Green Lantern - @Renda at Latigo | March 3, 2022

Walong karera ang nakahain ngayong araw sa San Lazaro Leisure Park sa Carmona, Cavite kaya tiyak na masaya ang mga karerista sa kanilang paglilibang.

Paniguradong race 1 pa lang ay magandang laban na agad ang masisilayan ng mga racing aficionados lalo na at mga tigasin ang anim na kalahok na maglalaban sa Condition Race Merge (15-16).

Markado sina Toy For The Bigboy at Gomper Girl sa karera sa distansyang 1,500 meter race kung saan ang rerenda ay sina JPA Guce at Pabs Cabalejo ayon sa pagkakasunod.

Komento ng mga karerista sa social media ay angat sa laban sina Toy For The Bigboy at Gomper Girl at Toy For The Bigboy sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Makakatagisan ng bilis nina Toy For The Bigboy at Gomper Girl sina The Accountant, Goldsmith, Sari Baby at Tifosi na gagabayan ni former Philippine Sportswriters Association, (PSA) Jockey-of-the-Year awardee Patricio Ramos Dilema. "Tingin ko kayang rumemate ni Toy For The Bigboy kaya dyan ako," sabi ni Rogelio Manansala, karerista.

Samantala, tiyak na mahihirapan sa pagpili ng tatayaang kabayo ang mga karerista sa magaganap na 2022 PHILRACOM Rating Based Handicapping System na ilalarga sa pangalawang karera.

May 14 na kalahok at may habang 1,400 meter race ang bakbakan sa karerang nakalaan ang added prize na P15,000 na ikakalat sa unang apat na kabayong tatawid sa meta.

Ang mga kalahok ay sina One Of A Kind, Sweet City, Don't Say Bad Words, Tininini, Divine Dancer, Shelltex Gold, Shining Shelltex, My Sweet Lord, Pretty Meadow, Caraga Wonder, Lil John, Frankly Perfect, Play It Safe at Gee's Brulay.

Kukubrahin ng winning horse owner ang karagdagang premyo na P5,000. Mga Pili ni Green Lantern:

Race 1. Toy For The Bigboy (5), Gomper Girl (3)

Race 2. Caraga Wonder (9), My Sweet Lord (7), Sweet City (2)

Race 3. Electric Truth (1), My Jopay (5)

Race 4. Batan Island (6), Abel Iloko (10), Rockaway (12)

Race 5. Noir (8), Sweet Spot (13), Rodrigo (12)

Race 6. Keynote Speaker (9), Gee's Colt (4)

Race 7. Statistics (9), Manlot Island (8), Hantik (6)

Race 8. Tiger Boy (13), Tocque Bell (5), Forrest Gump (1)

Patok - Keynote Speaker

Pandehado - Noir