Totohanang exhibition fight ilalatag ng Pac-Yoo match
ni GA - @Sports | July 9, 2022
Matapos magulpi sa mundo ng politika, magbabalik sa boxing ang nag-iisang 8th division World champion na si Manny “Pacman” Pacquiao para sa isang exhibition match kontra sa Korean YouTuber DK Yoo sa Disyembre.
Papasukin na rin ni Pacquiao ang mundong tinatahak tulad ng karibal na si Floyd “Money” Mayweather Jr. Si Yoo, na isang combat trainer at stunt coordinator at founder ng Warfare Combat ang nag-anunsiyo na makakalaban si legendary Pinoy boxing icon sa kanyang YouTube account.
“I have told you I’ll fight against one of the best fighters in the world. I tell you right now who my next opponent is. I’m going to fight against Manny Pacquiao,” saad ni Yoo, kung saan nagpakita rin si Pacman at nagbigay mensahe tungkol sa laban.
“DK Yoo, see you in the special event this coming December. God bless you and be safe,” wika ng dating WBO welterweight champ magpipirmahan sa susunod na linggo.
Iniyabang ni Yoo sa website na bihasa siya sa martial arts. Minsan na itong sumabak sa exhibition match kay dating UFC fighter Bradley Scott sa loob ng 6 round na nauwi sa hindi patas na laban.
May 654,000 subscribers ang Martial Artists sa YouTube channel, na malawak ang kaalaman sa boxing, Kung-Fu, Wushu, Judo, at maging sa track and field. “The most important fact other than my experience in all types of martial arts is that I have met with the experts from each martial art, interacted and grasped the core of each martial art through analyzing the advantages and disadvantages,” paliwanag ni Yoo. “To test the movements, I have sparred with many people and have had combat experiences. These experiences and the research I have conducted led to what I am today.”
Huling sumabak sa laban ang 43-anyos na future Hall of Famer kay Yordenis Ugas ng Cuba para sa WBA welterweight title na nagresulta sa UD.
Comments