Todo-hugot sa mga korup… KARA: ANG HIRAP KUMITA NG PERA, MAGNANAKAW LANG ‘YUNG IBA

ni Mercy Lejarde @Showbiz Talkies | February 20, 2026

Photo: Kara David - Instagram

“Ang hirap kumita ng pera. Tapos ‘yung iba r’yan, magnanakaw lang,” ang pahayag ng mahusay na broadcast journalist na si Kara David sa kanyang Facebook (FB) post.

Nagbahagi si Kara ng larawan kung saan makikita ang behind the scene habang siya’y nasa farm at nakaupo sa damuhan at pagod na pagod.

Sey pa ni Kara, “Bato-bato sa langit, ang tamaan ‘wag magalit.”

Big tumpak ka r’yan, Kara David!

‘Yun lang, and I thank you.

---

“I’LL always be your number one fan,” ang super proud na pahayag ng girlfriend ng two-time 2024 Olympic gold medalist na si Carlos Yulo na si Chloe Anjeleigh San Jose.

Sey ni Chloe, “The world champion and the champion of my heart, happiest birthday mahal ko @c_edrielzxs.

“Another year older, another year closer to even bigger dreams and I just know you’re going to reach all of them.

“More than the wins and titles, I'm grateful for the you that I get: the calm, kind, and soft one when the world isn’t watching. You just keep making me proud every single day.

“I’ll always be your number one fan. Always cheering the loudest, always believing in you, and always right by your side. Happy birthday again, dada. Love you always.”

Wow, mukhang happy ang birthday ni Carlos Yulo dahil bukod sa napaka-sweet na greetings ni Chloe, kasama rin niya ang mga kapatid at malalapit na kaibigan. 

Bongga, ha!

---

NAKISAYA sa pagdiriwang ng Chinese New Year ang aktres na si Yasmien Kurdi kasama ang anak na si Ayesha.

Nagbahagi si Yasmien sa kanyang Facebook (FB) post ng video clip kung saan makikita na kasama niya ang anak na namamasyal sa Chinatown habang wasak ang sapatos na suot ng aktres.

Sey ni Yasmien, “Sumuko na talaga sapatos ko pero inilaban ko hanggang makauwi. Matagal-tagal na rin ang pinagsamahan namin.

“First time ni Ayesha sa Chinatown, tuwang-tuwa s’ya. Street food overload, nakipagsabayan sa super-habang pila para sa tikoy at hopia, nag-try ng kung anu-anong Chinese food, at nagpa-feng shui pa for extra good luck this year.

“Resulta? Umuwi kaming busog na busog, pagod na pagod, pero happy na happy kagabi.”

At least ay happy si Ayesha sa first experience niya sa Chinatown, ‘di ba, Yasmien?