top of page
FRANKLY - PIKTYUR NI ELLEN NA MAY KASAMANG MALE MODEL SA CHINA, AGAW-EKSENA_IG _maria.elen

Timplada ng Thunderbelles nagpapundi sa Chargers

Writer: BULGAR
BULGAR
5 hours ago
1 min read

by Gerard Arce @Sports News | November 18, 2026



Mabilisang tumirada ng pag-atake si Joy Suyod ng Akari Chargers nang sabayan ito sa matibay na depensa ni Zam Nolasco ng Zus Coffee Thunderbelles sa maaksiyong Premier Volleyball League All Filipino Conference Siklab Series 2026 sa PhilSports Arena, Pasig City kahapon.

Photo: Mabilisang tumirada ng pag-atake si Joy Suyod ng Akari Chargers nang sabayan ito sa matibay na depensa ni Zam Nolasco ng Zus Coffee Thunderbelles sa maaksiyong Premier Volleyball League All Filipino Conference Siklab Series 2026 sa PhilSports Arena, Pasig City kahapon. (Reymundo Nillama)



Mga laro bukas (Huwebes)

(Philsports Arena)

1 pm – Capital1 vs Galeries

6 pm – PLDT vs Choco Mucho 


Mahusay na timplada ang ipinatikim ni AC Miner upang dalhin sa back-to-back na panalo ang Zus Coffee Thunderbelles kontra sa pundidong Akari Chargers sa bisa ng 25-22, 22-25, 25-18, 25-21 upang makalikom ng sapat na momentum patungo sa susunod na serye ng Premier Volleyball League All-Filipino Conference Siklab Series sa Philsports Arena sa Pasig City kahapon.


Bagaman wala nang tsansang makapasok sa final 4, nanatiling pursigido ang Zus Coffee na naging matamlay ang simula sa 0-5 kartada bago masimulang makita ang panalo kontra Galeries Tower Highrisers noong Martes para umangat sa 2-5 kartada sa solo 8th place.  


“I guess more pa, kase we are hungrier for the win. Wish namin sa last games namin ibibigay namin lahat kase wala nang mawawala pa sa amin,” pahayag ni Miner na nanguna sa 16 puntos.    


Sumaklolo din pagdating sa opensa sina Zam Nolasco sa 12 puntos at Chinnie Arroyo sa 11 marka, gayundin si Jovelyn Gonzaga sa 9 pts.  Tila lumabo ang tsansa ng Akari na makapasok pa sa semifinals na nahulog sa 3-5 kartada sa huling laro sa preliminaries na pinilit binuhat ni Eli Soyud sa 18 puntos habang sumuporta si Faith Nisperos sa 15 pts at Ivy Lacsina sa 12. 

Comments


Disclaimer : The views and opinions expressed on this website or any comments found on any articles herein, are those of the authors or columnists alike, and do not necessarily reflect nor represent the views and opinions of the owner, the company, the management and the website.

RECOMMENDED
bottom of page