Timor-Leste, bagong miyembro ng ASEAN

ni Mylene Alfonso @News | November 16, 2026

Photo: Makasaysayang itinaas sa Maynila ang bagong watawat ng Association of Southeast Asian Nations (ASEAN) bilang simbolo ng opisyal na pagkilala sa Timor-Leste bilang ika-11 miyembrong bansa ng organisasyon. (COURTESY: PCO)

Makasaysayang itinaas sa Maynila ang bagong watawat ng Association of Southeast Asian Nations (ASEAN) bilang simbolo ng opisyal na pagkilala sa Timor-Leste bilang ika-11 miyembrong bansa ng organisasyon.

Sa ilalim ng ASEAN Chairmanship ni Pangulong Ferdinand Marcos Jr., nagkabisa ang Cebu Protocol na naglalaman ng kauna-unahang pag-amyenda sa ASEAN Charter mula nang lagdaan ito noong 2007.

Kasabay nito ang pagpapakilala sa bagong ASEAN emblem bilang bahagi ng pagbubukas ng 49th ASEAN Summit and Related Summits sa Maynila ngayong Nobyembre 15, 2026.

Tatalakayin din sa summit ang mahahalagang usapin tulad ng maritime security, proteksyon ng mga migrant worker at kabataan, disaster response, at pagpapalakas ng digital economy sa rehiyon.