TikTok food content creator na si Abi Marquez, nag-uwi ng The Webby Award sa New York

ni Angela Fernando @News | May 16, 2024

Proud na proud na ibinahagi ng TikTok food content creator na si Abi Marquez na kanyang nasungkit ang People’s Voice winner sa General Social: Food & Drink Category sa ginanap na 28th Annual Webby Awards.

Ipinost din nito sa kanyang opisyal na Facebook page ang ilang larawan kalakip ang mensahe para sa mga malalapit na kaibigan at tagasuporta niya sa paggawa ng mga food contents.

“WE DID IT FAM [emojis.] First Filipino from the Philippines to win the The Webby Award, because of you!” saad ni Abi sa kanyang post.

“This is a celebration of Filipino food, talent, and the hardwork of so many people. Grateful beyond words for the chance to fly to New York, represent our country, and cherish this moment as a core memory. THIS IS OUR WIN [heart emoji],” dagdag pa nito.

Marami naman ang humanga dahil sa pagiging humble ng content creator at pagbubuhat nito sa mga Filipino. Sey nga ng supporters niya, marami na raw talagang na-inspire si Abi sa kanyang food content journey.