Taliban governor at 2 sibilyan, patay sa suicide attack

ni Ejeerah Miralles (OJT) | March 11, 2023

AFGHANISTAN — Patay sa suicide attack ang isang gobernador, kabilang ang 2 pang sibilyan sa probinsya ng Balkh noong Huwebes.

Nakilala ang gobernador na si Mohammad Dawood Muzammil, na nangunguna sa paglaban sa Islamic State of Iraq and Syria (ISIS).

Ayon sa mga awtoridad, bandang alas-9:00 ng umaga nang sumabog ang ikalawang palapag ng opisina ng gobernador, na agad niyang ikinamatay kabilang ang 2 pang sibilyan.

Samantala, iniimbestigahan pa ng pulisya ang nasabing insidente at maglalahad na lamang umano ng detalye kapag ito’y klaro na.

Minarkahan ang insidente bilang isa sa mga senior officials na nakumpirmang patay mula nang sakupin ng Taliban ang bansa noong 2021.