Swak sa UniTeam nina BBM at Mayor Sara si Gen. Eleazar

ni Ka Ambo - @Bistado | February 10, 2022

UMARANGKADA na ang official campaign period para sa national candidates.

Wala sanang dumanak na dugo!

◘◘◘

KAPOS ng isang kandidatong senador ang UniTeam nina BBM at Mayor Sara.

Iminumungkahi nating ipasok si ex-PNP Chief Guillermo Eleazar!

◘◘◘

KAILANGAN ng UniTeam ang isa pang malakas na katiket.

Makokompletos-rekados ang UniTeam kapag nariyan si Gen. Guillermo!

◘◘◘

NAKAPASOK na sa Magic 12 si Eleazar kompara sa ilang mahihinang kandidato.

Malinaw na karapat-dapat siyang mapasama sa Senado!

◘◘◘

NAAAREGLO na ang Russia.

Maganap sana ang imposible!

◘◘◘

BOBOYKOT ang India sa Beijing Olympics.

Ito na kaya ang “Waterloo” ng China?

◘◘◘

INAASAHANG magmamarka ang India bilang isa sa pinakamakapangyarihang bansa sa daigdig.

Sa kasaysayan, matagal nang napasok ng India ang Pilipinas — at malaking “cash” ang pinagagalaw ng mga Bumbay sa underground economy ng Pilipinas.

◘◘◘

MILYUN-MILYONG micro industry ang tinutustusan ng mga Indian national na binansagang Bumbay.

Bilyun-bilyong piso ang umiikot sa halos lahat ng barangay sa Pilipinas mula sa mga Bumbay.

◘◘◘

TALIWAS sa gobyerno at pribadong bangko, walang tsetse-buretse na nagpapautang ang mga Bumbay sa ordinaryong vendors.

Mayroon bang ganyan ang mga Chinese at ‘Kano?

Wala!

◘◘◘

KAHIT ang military hardware at aerospace ay napasok na ng India.

Ang mayorya ng COVID-19 vaccine ay aktuwal na ginagawa at konsepto ng mga Indian experts!

◘◘◘

HINDI nanghihimasok at nananakop ang India kumpara sa US, China at Russia.

Ang India ang dapat maging hari ng daigdig!

◘◘◘

DAPAT nang simulan ang preparasyon sa face-to-face classes.

Masyadong nagkakamal ng salapi ang ilang pribadong eskuwelahan.

Tumatabo sila ng tuition fee, pero hindi nagagamit ang kanilang pasilidad.

Kabilang sila sa mga buwitre sa panahon ng pandemic!