Susukatin ang husay ni Samantha sa 3-yo Race

ni Green Lantern - @Renda at Latigo | July 1, 2022

Masusubukan ang husay ni Samantha sa pag-arangkada nito sa 3-Year-Old & Above Maiden Race na ilalarga sa Metro Turf, Malvar-Tanauan City, Batangas, ngayong araw.

Gagabayan ni former Philippine Sportswriters Association, (PSA) Jockey-of-the-Year awardee, Patty Ramos Dilema, makakatagisan ng bilis ni Samantha ang mga tigasing sina Lucky Choice, Auspicious, My Sharona at Be Thoughtful.

May habang 1,200 meter race, nakalaan ang added prize na P10,000 para sa mananalong 3-year-old horse. "Usap-usapan na may buti daw 'yan si Samantha, malalaman natin 'yan bukas, (ngayong araw)," saad ni Victorio Gonzales, veteran karerista.

Ayon sa komento ng ibang karerista, posibleng magbigay ng magandang laban kay Samantha ay si Lucky Choice na sasakyan ng dati ring PSA-JoY awardee, Jessie Basilio Guce.

Tiyak na aabangan rin ng mga karerista ang bakbakan ng anim na tigasing kabayo sa Condition Race Merged na pakakawalan sa pang-apat na karera.

Ang mga kalahok ay sina Agi Daw, Rockstar Show, Electric Truth, Morning Breeze, Tool Of Choice at Stravinsky.

Posibleng magdomina sa bentahan sa event na may distansiyang 1,200 meter race ay si Morning Breeze na sasakyan ni Ryan Roy Garcia.

Samantala, pitong karera ang inihain ng Metro Manila Turf Club Inc. (MMTCI) kaya tiyak na masisiyahan ang mga karerista sa kanilang pananaya.

Ang naka-iskedyul na karera ay suportado ng Philippine Racing Commission, (PHILRACOM) sa pamumuno ni chairman Reli De Leon.

Mga pili ni Green Lantern:

Race 1 - Samantha (2), My Sharona (4)

Race 2 - It's A Deal (4), Morning Girl (2)

Race 3 - Pitong Gatang (2), Spoiled Brat (4)

Race 4 - Morning Breeze (4), Electric Truth (2)

Race 5 - Ashea's Will (2), A Certain To Smile (4)

Race 6 - Miss Rosario (4), Silver Arrow (2)

Race 7 - Thriller (7), One Fifteen (2), Tenteng Enteng (8)