Suspek, nai-video muna ang sarili... Spy cam sa CR ng mga babae, buking

ni Mervin Reyes @News | August 28, 2026

Photo: Circulated, GMA / Manila

Arestado ang isang lalaki matapos mabisto ang umano’y pamboboso sa dalawang babaeng katrabaho gamit ang spy camera na itinago sa banyo ng kanilang staff house sa Malate, Maynila.

Ayon sa ulat, nahuli ang suspek matapos makita sa video ang sarili niyang mukha habang inilalagay ang spy camera sa banyo.

Napansin umano ng isang babaeng empleyado ang isang hugis-ballpen na device na nakasingit sa gilid ng inidoro habang naliligo. Nang suriin ito, nakita nilang may memory card sa loob.

Nang buksan ang mga file sa computer, nakita ang dalawang babaeng empleyado na nakuhanan umano ng video habang nasa banyo.

Natukoy ang suspek matapos mapanood sa footage ang kanyang sarili habang sine-set up ang camera.