Super LPG, nagliyab sa unang panalo vs. Dyip

ni GA - @Sports | June 18, 2022

Nilipad ng Phoenix Super LPG ang kanilang unang panalo sa pagpapaliyab sa Terrafirma Dyip sa pamamagitan ng 97-74, kahapon sa 2022 PBA Philippine Cup sa Ynares Center sa Antipolo City.

Dinomina ng husto ng Fuel Masters ang laro simula sa second period ng hindi mapigilan ang atake na pinaabot pa sa pinakamalaking 35 puntos na kalamangan upang makuha ang unang panalo sa tatlong laro.

Nanguna para sa Fuel Masters ang emosyonal na si Jason Perkins na may 17 pts, 9 rebounds, at 5 assists, habang may dobleng pigura si Matthew Wright sa 11pts, samantalang may tig-10 puntos sina Javee Mocon, RJ Jazul, at rookie Encho Serrano. Muling nakabalik sa laro si Sean Anthony sa 9pts at tig-8pts nina rookie Tyler Tio at Aljun Melecio. “As much as possible, we don’t want to get deep into that bottom of the standings. It’s something that is big for us. We know how deadly Dyip is if we will take it easy on them. I guess one thing that worked for us is we really clamped down on our defense,” pahayag ni Phoenix head coach Topex Robinson sa post-game press conference.

Nakadikit pa ang Terrafirma sa first period sa 14-18, ngunit naging epektibo ang ipinakitang depensa ng Fuel Masters sa second period ng limitahan lang sa 10 puntos ang Terrafirma habang kumana ito ng 26 puntos para sa 44-24 sa pagpasok ng halftime.

Nirehistro ng Phoenix ang pinakamalaking kalamangan sa 59-24 sa 8:03 sa third canto mula sa hook-shot ni Anthony matapos ang 15-0 blast sa pagbubukas ng second half. Natapos ang third period na tangan ang 71-46 na bentahe.

Halos nagtapos sa double-double si Joseph Gabayni sa 16pts, 9 boards at 4 asst, na sinundan ni Aldrech Ramos ng 14pts at Andreas Cahilig sa 10pts. Nalimitahan naman sina Juami Tiongson sa 9pts at Joshua Munzon sa 6pts na kinadyot ng sunod-sunod na injury mula kina team captain Eric Camson, Isaac Go at Ed Daquioag.

Mga laro ngayong araw (Sabado)

(Ynares Center-Antipolo) 5:15 n.h. – Northport Batang Pier vs Blackwater Bossing

7:15 n.g. – Meralco Bolts vs TNT Tropang Giga