Sunog sumiklab sa Batasan Complex
Aug 3
1 min read
ni Jeff Tumbado @News | August 3, 2026
Photo: BFP QC
Nasunog ang isang storage facility sa loob ng compound ng House of Representatives sa Batasan Complex, Quezon City, Linggo ng umaga.
Ayon sa QC-BFP, sumiklab ang sunog alas-9:30 ng umaga na agad namang narespondehan at tuluyang naapula alas-9:57 ng umaga.
Wala namang naitalang nasawi o nasugatan sa pangyayari.
Sinabi ng Office of the Secretary General na nagsasagawa na ito ng imbestigasyon, katuwang ang Bureau of Fire Protection, upang matukoy ang sanhi ng sunog.
Comments