Special imported local challenge race, abangan

ni Green Lantern - @Renda at Latigo | June 2, 2022

Inaabangan ng mga karerista ang susunod na stakes race na ilalarga sa Linggo sa San Lazaro Leisure Park sa Carmona, Cavite.

Ito ay ang PHILRACOM Special Imported Local Challenge Race na lalahukan ng 9 na tigasing kabayo.

Nagdeklara ng pagsali ang matikas na si Righteous Ruby kung saan ay isa sa magiging markado para sa mga liyamadista.

Sasakyan si Righteous Ruby ni dating Philippine Sportswriters Association, (PSA) Jockey of the Year awardee Jonathan Hernandez sa distansyang 1,750 meter race.

Ang ibang nominado ay sina Crowded Trade, Downsideprotection, Time For Glory, Darleb 2, Shastaloo, Raintree Starlet, Dragon Butterfly at Truly Ponti.

Ayon sa mga komento ng mga karerista, inaabangan din nila ang pagtakbo ni Darleb 2, naniniwala silang may buti ang kabayo.

Gagabayan ni dati ring PSA-JoY awardee Jessie Guce si Darleb 2 sa event na may guaranteed prize na P300,000 kung saan hahamigin ng mananalong kabayo ang P180,000.

Susungkitin ng second placer ang P60,000, mapupunta sa third at fourth ang tig-P30,000 at P15,000 ayon sa pagkakasunod habang tatanggap din ng tig-P9,000 at P6,000 ang fifth at sixth. Ang nasabing event ay suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, pitong races ang pakakawalan ng Philippine Racing Club Inc. (PRCI) ngayong araw kaya paniguradong masisiyahan ang mga karerista sa kanilang pananaya.

Tiyak na bakbakan agad ang masisilayan ng mga karerista sa unang karera sa magaganap na PHILRACOM Rating Based Handicapping System.

Walong kabayo ang magtatagisan ng bilis sa 1,300 meter race, kung saan nakalaan ang added prize na P15,000 na ikakalat sa unang apat na kabayong tatawid sa meta.

Magbabanatan sa nasabing race ay sina Wild Find, Gensan Special, Happy Man, Excellent Choice, Eunice And Aiah, I Don't Mind, Olympic Gold at El Lider Maximo.

Mga Pili ni Green Lantern:

Race 1 - Gensan Special (2), Happy Man (3), El Lider Maximo (8)

Race 2 - Chase The Gold (4), Ultimate Cat (7), Temple Key (2)

Race 3 - Phoenix Rising (2), Sparestrike (3)

Race 4 - Red Hawk (5), Speedy Wego (4)

Race 5 - Stark (3), Rhea's Choice (5)

Race 6 - Quick Buck (4), Stalag Seventeen (5)

Race 7 - Sinag (9), Big Hook (4), Iron Hook (6)