ni Maeng Santos @News | October 1, 2023
Umabot sa 220 solo parents ang nakatanggap ng P2,000 cash tulong mula sa Pamahalaang Lungsod ng Navotas.
“Solo parents face many challenges in raising their children on their own. We want to ensure that they will have a means to provide for their families especially during trying times,” ani Mayor John Rey Tiangco.
Ito ay sa pamamagitan ng Saya All, Angat All Tulong Pinansyal para sa mga Solo Parents bilang bahagi ng serye ng mga programa ng pamahalaang lungsod sa pandemic recovery.
Hinihikayat ni Tiangco ang Navoteño solong parents na magparehistro sa tanggapan ng social welfare para maging kuwalipikado sa programa.
Ang pamahalaang lungsod, sa pamamagitan ng City Ordinance No. 2019-17, ay nagbibigay din sa mga indigent solo parents ng P1,000 educational assistance kada school year.