Singer, fan na fan ng K-pop group… PINOY FANS, TODO-PA-SELFIE KAY LEA SA BTS CONCERT

ni Julie Bonifacio @Winner | June 23, 2026

Photo: IG _msleasalonga

Halata ang hangover ni Lea Salonga sa panonood ng BTS concert sa South Korea. Kahit almost two weeks na ang lumipas, she still keeps on posting photos mula sa concert.

Say ni Lea, “Why yes, I’m going to keep posting stuff about my trip!”

Super viral talaga ang panonood niya sa concert.

Well, halos lahat kasi ng mga Pinoy na fans ng BTS na nakita siya mula sa pila hanggang sa concert ay hindi pinalampas ang pagkakataon na magpa-picture sa kanya at agad na naka-post sa social media, huh?

May nauna ring post si Lea na kuha niya habang nagpe-perform ang BTS at nakalagay kung gaano siya kasaya.

Planado raw ni Lea at ng mga kaibigan niya ang trip nila sa South Korea para manood ng concert ng BTS ngayong 2026.

Caption ni Lea, “I wanted 2026 to be a year lived with joy, so this was definitely on the agenda to achieve that. And this trip to South Korea didn’t disappoint!

“Sure, there are things specific to the Busan experience that could’ve gone better, but @bts.bighitofficial was amazing and Arirang was a technical and artistic feat. Kudos to everyone involved in making that gigantic show happen! Shoutout to the dancers too who were spectacular!”

‘Yun naman pala!

---

Imbes na siya ang batiin sa Father’s Day…

MARTIN, PURING-PURI ANG MGA NANAY NG TATLONG ANAK

NAGBIGAY ng tribute si Martin Nievera sa Instagram sa mga ina ng kanyang mga anak instead of him being greeted by his exes noong selebrasyon ng Father’s Day.

Ipinost ni Martin ang picture niya with his three sons na sina Robin, Ram at Santino.

Knows na ng marami na sina Robin at Ram ay mga anak niya sa kanyang ex-wife na si Pops Fernandez, habang si Santino naman ay sa ex-girlfriend niyang si Katrina Ojeda.

Caption ni Martin: “Every day I am happy to be the father of these boys! God has blessed me with three angels, because their mothers did an amazing job getting them to be the men they are now— happy father’s day, ‘mothers fathers!’”

Hindi naman nakalimutan nina Pops at Robin Nievera na batiin si Martin sa social media noong Father’s Day.

Samantala, naka-private ang IG account ng girlfriend ni Martin na si Anj del Rosario. For sure, may special treat siya for Martin last Father’s Day kahit wala silang sariling anak.

In fairness kay Martin Nievera, he may not be a perfect partner, wala naman talagang ganoon, pero pagdating sa kanyang mga anak, todo ang suporta niya.