SIGAW NG TRANSGENDER NA MAY-ARI NG MISS U: CLINT, NAG-IILUSYON LANG

ni Ambet Nabus @Let's See | November 28, 2023

Hindi na talaga tumigil ang mga isyu sa Miss Universe dahil ultimong ang trans na may-ari nito ay may mga sarili ring usapin bukod sa mga iskandalo sa mismong organisasyon.

Recently nga ay nagparating ito kay Clint Bondad ng 'goodbye messages,' sort of tinatapos na nito ang anumang ugnayan sa hunk model. Medyo nakakatawa lang dahil si Clint ang mismong nag-post nito. Kung inyong matatandaan, si Clint ang hunk model na napabalitang "isa" umano sa mga 'boy toys' ni Anne Jakrajutatip.

Pero idinenay naman ito ng eksenadorang trans dahil kapatid o nakakatandang kuya ang turing niya rito, pati ng pamilya niya.

Halos isang taon ding tumira sa bahay ni Anne sa Thailand ang binata.

Very intriguing ang pagtawag ng "delusional" ni Anne kay Clint na pinagpayuhan pa ni Anne na mag-move forward na at ayusin ang buhay.

Hmmm... sa dami ng mga isyu sa Miss Universe, nag-evolve na nga rin ang mga tsismis dito dahil sa ganitong paraan yata ito nais i-promote ng naturang may-ari. Global nga naman lagi ang reach ng balita dahil kahit sa ibang bansa ay napag-uusapan sila.