Shastaloo sa Triple Bill kakarera sa San Lazaro

ni Green Lantern - @Renda at Latigo |September 18, 2022

Makikilatis ang tikas ni Shastaloo pagsalang niya sa Imported/Local Challenge Race na ilalarga sa San Lazaro Leisure Park sa Carmona, Cavite, ngayong araw.

Ang nasabing event ang pinakamahabang distansiya sa kasaysayan ng karera kung saan ay anim na kabayo ang haharurot papuntang meta.

May habang 2,400 meter race ang karera na pagpupugay kay Henry Cojuangco.

Makakatagisan ng bilis ni Shastaloo na rerendahan ni star jockey Jeffril Zarate ay sina Time For Glory, magkakamping American Factor at Tony's Love at magka-kuwadrang Starinmydreams at Downsideprotection.

Nakalaan ang P1-M guaranteed prize ang ikakalat sa unang apat na kabayong tatawid sa finish line, pakay ng anak nina Algorithms at Water Park na si Shastaloo na masilo ang P600,000 premyo. Hahamigin ng second placer ang P225,000 habang tig-P125,000 at P50,000 ang third at fourth ayon sa pagkakasunod.

Maliban sa nabanggit na stakes race ang ibang tampok na karera na inihain ng Manila Jockey Club Inc. (MJCI) ay ang 2022 PHILRACOM Lakambini Stakes Race at Road To Juvenile Stakes Race. Maglalaban sa Lakambini sina Gomezian, Enigma Uno, Colony Bell, Main Event, Tinago Falls at Radio Bell.

Mag-uunahan sa finish line sa Road To Juvenile Stakes Race sina Atomic Bomb, Secretary, Rough Cut, Jaguar, Love Radio at Malibu Bell. Suportado ng Philippine Racing Commission, (PHILRACOM) sa pamumuno ni chairman Reli De Leon ang 13 karera na ilalarga ngayong araw.

Mga Pili ni Green Lantern:

Race 1 - It's A Deal (8), Heirloom (4), Vitreus (1), Christiano (10)

Race 2 - Secretary (2), Jaguar (4)

Race 3 - Bisyo Mag Serbisyo (3), Sky Scraper (2), Freestyle (7)

Race 4 - Radio Bell (6), Colony Bell (3)

Race 5 - Early Bird (10), Spaghetting Pababa (2), Papa Ohh Mamaw (11)

Race 6 - Shastaloo (5), American Factor/Tony's Love (1/1A)

Race 7 - Our Secret (9), Noir (8), Achy Holly (6), Sweet City (3)

Race 8 - Step Bell (1), The Prize Is Yours (5), Anyare (4)

Race 9 - Best Regards (4), Palibhasa Lalake (2), Raintree Starlet (9), Gusto Mucho (3)

Race 10 - Caraga Wonder/Sun Moon Lake (1/1A), Baby Boss (10), Fortune Island (11), Kenkenrarabell (5)

Race 11 - Lord Luis (6), Star Of Kidapawan (2), Red Hawk (4)

Race 12 - Flattering You (1), Tiger Boy (7), Liquid Gold (4)

Race 13 - Arrogante (2), My Sweet Lord (8), Yes Kitty (7)