Sen. Peter Cayetano, positibo sa test sa COVID-19

ni Lolet Abania | August 3, 2022

Nagpositibo si Senator Alan Peter Cayetano sa test para sa COVID-19, ayon kay Senate President Juan Miguel Zubiri.

Sa ginanap na plenary session ngayong Miyerkules, ipinahayag ni Senator Pia Cayetano, kapatid ni Alan, na nag-text ito sa kanya para ipaabot ang suporta sa gagawing privilege speech ng senadora, na ibinahagi naman nito sa Senado kung paano i-adopt ang isang sustainable na pamumuhay sa pamamagitan ng tinatawag na ditching ng PET bottles at pagbabawas ng mga papel sa kanilang pang-araw-araw na trabaho.

Matapos ang manifestation ni Pia, sinabi ni Zubiri na si Alan ay nagpositibo sa test sa virus.

"Please let him know we’re praying for his quick recovery. I heard that he was positive.

That is better that we put it on record. Less people will ask where he is," saad ni Zubiri.

Samantala, si Senator Francis Escudero ay kasalukuyang nasa isolation matapos na ma-expose sa isang indibidwal na nagpositibo sa test sa COVID-19.

"No symptoms. Just exposed. Will test in two days. Just want to be responsible, proactive and not reckless," ani Escudero sa isang text message.