SC: Lahat ng sessions para sa Bar exams, suspended mula Nob. 5-22

ni Lolet Abania | September 13, 2022

Nakatakdang isuspinde ang lahat ng sessions mula Nobyembre 5, Sabado hanggang sa Nobyembre 22, Martes para sa Bar examinations, batay sa anunsiyo ng Supreme Court (SC) ngayong Martes.

Sa isang notice, ayon sa SC, “this will allow the Court to direct its main resources, time, and work towards the holding of the Bar.”

Sinabi rin ng Korte na ang lahat ng collegiate courts at first and second-level courts sa National Capital Region (NCR) at sa lahat ng siyudad kung saan mayroong local testing centers (LTCs) ay isasara sa Nobyembre 9 at Nobyembre 16.

Una na ring nabanggit na ang examinations ay gaganapin sa 14 LTCs sa buong bansa, kung saan lima ay sa NCR, at tig-3 sa Luzon, Visayas, at Mindanao.

“All officials, staff, and employees that will be deployed for the examinations will be considered on official time for the duration of their service,” saad pa ng SC.