Sarah naaksidente sa skyway

ni Eli San Miguel - Trainee @Entertainment | December 7, 2023

Malaki ang pasasalamat ni Sarah Lahbati sa Panginoon para sa "second chance" sa buhay matapos ang isang car accident.

Sa kanyang Instagram Broadcast channel noong Huwebes, ipinahayag ni Lahbati na siya at ang kanyang pamilya ay nasangkot sa isang aksidente sa skyway, bagaman walang malubhang nasaktan sa kanilang lahat.

“We were involved in an accident on the skyway. Fortunately, all three cars involved avoided any casualties, and we are all okay,” aniya.

“Today, we were given a second chance. Just when you think everything you worry about should be the center of the world, you’re reminded of God’s lessons, promises, and the bigger picture.” Dagdag niya, “Things could have been much worse, yet my family and I are alive and well.”

Nilinaw naman ni Lahbati na ibinahagi niya ang kanyang kuwento hindi upang gawing malungkot ang kanyang mga followers, kundi para ipaalala ang mga pangako ng Diyos.