Sara Duterte, payag sa lie detector test

by BRT @News | October 6, 2026

Photo: File / Courtesy NBI & Screengrab from Inday Sara Duterte FB Live

Sinabi ni Vice President Sara Duterte na handa siyang sumailalim sa lie detector test.

Pero gusto muna niyang ilabas ng gobyerno ang patunay na sumailalim at pumasa sa test ang dating pulis na si Rodulfo Gracioso Jr.

Kinuwestiyon ni Duterte ang sinasabing resulta ng test ni Gracioso dahil hindi umano agad lumabas ang resulta nito.

Ayon naman sa NBI, umabot sa 99% ang truthfulness ng resulta ng test kay Gracioso.

Giit ni Duterte, hindi siya ang dapat hamunin sa lie detector dahil nasagot na umano sa kanyang affidavit ang mga pahayag ni Gracioso.