Sa White House… P-BBM at Pres. Biden meet, posible next year – Phil. Amb. Romualdez

ni Lolet Abania | November 23, 2022

Maaaring makipagpulong si Pangulong Ferdinand “Bongbong” Marcos Jr. kay United States President Joe Biden sa White House sa susunod na taon, ayon kay Philippine Ambassador to the US Jose Manuel Romualdez ngayong Miyerkules.

Sa isang television interview, sinabi ni Romualdez, “[I am] very confident”, na mangyayari ang courtesy call ni Pangulong Marcos kay Biden sa 2023. Aniya pa, may mga discussion nang isinasagawa kaugnay sa nasabing usapin.

“The White House has told us that [they] would like very much President Marcos to come. But as always, the schedule of both leaders is very important,” pahayag ni Romualdez sa isang interview sa ANC.

“But definitely, the White House, President Biden himself, would like to have a good meeting with the President at the White House at some point in time,” dagdag pa ng opisyal.

Gayunman, ayon kay Romualdez, hindi pa matukoy ang iskedyul ng magiging meeting ng dalawang lider ng mga bansa.

Binanggit ng opisyal ang naturang plano matapos ang 3-araw na pagbisita ni US Vice President Kamala Harris sa Pilipinas.