Sa puntod ise-celebrate ng mga anak… NORANIANS, BAWAL SA B-DAY NI NORA

ni Erlinda Rapadas @Teka Nga | May 6, 20255

Photo: Nora Aunor - IG

Sa May 21 pa ang kaarawan ng Superstar/National Artist na si Nora Aunor. Pero ngayon pa lamang ay may pakiusap na ang mga anak ni Guy sa mga Noranians na sana, ibigay muna sa kanila ang pribadong oras upang makapiling nila nang matagal ang kanilang ina.

Balak nina Lotlot, Ian, Matet, Kiko at Kenneth na magsama-sama sa mismong kaarawan ni Aunor sa pagdalaw sa puntod nito sa Libingan ng mga Bayani. Dito nila ise-celebrate ang kaarawan ng nag-iisang Superstar.

Puwede naman daw dumalaw ang mga Noranians sa hapon (mula 4 PM) pagkatapos ng gagawing birthday celebration ng mga anak ni La Aunor sa Libingan ng mga Bayani.

Well, iba naman ang plano ni John Rendez sa kaarawan ni Nora sa May 21. Sa hometown ni Aunor sa Iriga, Camarines Sur siya pupunta para sa kaarawan ng Superstar. At maging sa 40 days ng kamatayan ni Aunor sa May 25 ay sa Iriga pa rin niya balak pumunta.

Kilala na rin naman si John ng mga kababayan ng Superstar. Nakakasama siya noon ni Nora kapag nagtutungo ito sa Iriga City para bisitahin ang kanyang mga lupain.

Well, siguro naman ay maiintindihan ng mga Noranians ang pakiusap ng mga anak ni Nora Aunor na ibigay muna sa kanila ang panahon na makasama ang kanilang ina sa kaarawan nito sa May 21. 

Ganunpaman, hanggang 4 PM lang naman ang birthday celebration ng Superstar. Pagkatapos ng immediate family, puwede nang dumalaw ang mga Noranians na nagmamahal kay Nora Aunor. At anytime ay puwede silang dumalaw sa puntod ng Superstar.

---

EXCITING para sa mga masugid na viewers ang pagpasok ng Kapuso actor na si David Licauco sa Pinoy Big Brother (PBB) house bilang celebrity guest.

Tiyak na aabangan ng mga viewers kung ano ang ugali ni David kapag kasama ang mga PBB housemates at papaano ito makikipag-interact sa ibang housemates. 

Ano kaya ang tasks na ipagagawa sa kanya habang nasa loob ng PBB house? 

May mga rebelasyon at sikreto rin kaya siyang ibubunyag sa mga viewers?

Tiyak naman na kikiligin ang mga female housemates.

Ready na ba si David sa magiging experience niya sa PBB house? Hanggang kailan siya makakatagal?