Sa ika-65 kaarawan ni P-BBM… “I wish God’s favor upon you” – VP Sara

ni Lolet Abania | September 13, 2022

Binati ni Vice President Sara Duterte si Pangulong Ferdinand “Bongbong” Marcos Jr. sa kanyang kaarawan ngayong Martes, Setyembre 13, habang ipinanalangin nito na bigyan ito ng Diyos ng lakas at karunungan na harapin ang aniya, “the difficult road ahead.”

Sa isang Facebook post, nai-share ni VP Sara ang isang “obligatory birthday selfie” kasama si Pangulong Marcos.

“I wish God’s favor upon you as you celebrate your birthday and pray that you are given the strength and wisdom for the difficult road ahead,” pahayag ng bise presidente.

“Happy Birthday! I wish you good health and happiness,” dagdag pa niya.

Pinasalamatan din ni VP Sara si Pangulong Marcos at ang 250th Presidential Airlift Wing sa pagtiyak ng mga ito na makakauwi siya sa oras bago ang kanyang mga anak ay matulog.

“Thank you for putting a premium on the desire of a working mother to be present in her children’s lives,” ani VP Sara.

Umaga ngayong Martes, ipinagdiwang ni Pangulong Marcos ang kanyang ika-65 kaarawan sa pamamagitan ng pagtatanim ng bamboo o “kawayang tinik” sa San Mateo, Rizal.