Russia, umatake gamit ang 100 drones at 100 missiles — Zelenskyy
- BULGAR
- Aug 27, 2024
- 1 min read
ni Eli San Miguel @World News | August 27, 2024
Kinondena ni Ukrainian President Volodymyr Zelenskyy ang pag-atake ng Russia noong hatinggabi at madaling-araw bilang kasuklam-suklam. Iniulat niya na mahigit 100 missiles at nasa 100 "Shahed" drones ang ginamit.
Nagresulta ang pag-atake sa mga pagkamatay, maraming sugatan, at malaking pinsala sa imprastruktura ng Ukraine. Hindi bababa sa apat na tao ang nasawi.
Nagsimula ang pag-atake bandang hatinggabi at nagpatuloy kahit matapos sumikat ang araw, na tila pinakamalaking pag-atake ng Russia laban sa Ukraine sa loob ng ilang mga linggo.
Ayon kay Ukrainian Prime Minister Denys Shmyhal nitong Lunes, umatake ang mga puwersa ng Russia gamit ang mga drone, cruise missile, at hypersonic ballistic Kinzhal missiles sa 15 rehiyon ng Ukraine, na higit sa kalahati ng bansa.
Comments