ni Angela Fernando - Trainee @News | April 1, 2024
Itinalaga ni Pangulong Ferdinand "Bongbong" Marcos Jr. si Police Gen. Francisco Marbil bilang bagong pinuno ng Philippine National Police (PNP).
Nagsimula si Marbil sa pamumuno sa pulisya nitong Lunes matapos ang pagtatapos ng termino ni Acorda Jr. bilang pinuno nu'ng Linggo.
Itinaas din sa ranggo ng Police Gen. si Marbil sa parehong seremonya.
Bago ang paghirang dito bilang bagong pinuno ng PNP, naglingkod si Marbil bilang hepe ng PNP Directorate for Comptrollership (DC), direktor ng Police Regional Office 8 sa Eastern Visayas, at pinuno ng PNP Highway Patrol Group.
Siya ay kasapi ng Philippine Military Academy 'Sambisig' Class ng 1991.
Inaasahan na magreretiro si Marbil sa ika-7 ng Pebrero 2025 kapag umabot na siya sa kanyang mandatory retirement age na 56.