Robin Hood, rarampa sa Chairman's Cup

ni Green Lantern - @Renda at Latigo | May 6, 2022

Nakatakdang rumampa ni Robin Hood sa pista pagsalang nito sa 2022 PHILRACOM "Chairman's Cup Division II" na ilalarga sa Metro Turf, Malvar sa Tanauan City, Batangas sa darating na Linggo.

Ilang tulog pa at masisilayan ng mga karerista ang husay ni Robin Hood sa karerang may distansiyang 2,000 meter race at suportado ng Philippine Racing Commission, (PHILRACOM).

Nasisiyahan naman si De Leon sa mga naganap at magaganap pang stakes races ngayong taon.

"Events like these give incentive to owners and breeders alike to improve their stock thus, in the process, bring the industry to greater heights," saad ni De Leon.

Trending sa social media ang pangalan ni Robin Hood dahil marami ang bumibilib na karerista sa kanyang mga ipinakitang performance sa karerahan, hindi pa ito nakakatikim ng kabiguan sapul nang tumakbo sa pista.

Rerenda kay Robin Hood ay si dating Philippine Sportswriters Association, (PSA) Jockey-of-the-Year awardee Jessie Guce.

Karamihan sa mga komento ng mga karerista ay mahihirapan na talunin si Robin Hood.

"Napakagaling ni Robin Hood, tingin ko kayang-kaya niya mga kalaban kahit magagaling din sila," saad ni Allan Alegre, veteran karerista.

May guaranteed prize na P750,000, ang ibang nagsaad ng pagsali ay sina Golden Sunrise, Hookbung Dagat, King Tiger, Moment Of Truth at Shanghai Noon.

Hahamigin ng unang kabayong tatawid sa meta ang P450,000, sisikwatin ng second placer ang P168,750 habang tig-P93,750 at P37,500 ang third at fourth, ayon sa pagkakasunod.

Samantala, pitong karera ang inihain ng Philippine Racing Club, Inc. (PRCI) ngayong araw ng Biyernes.

Mga Pili ni Green Lantern:

Race 1. Iroon Hook (6), Big Hook (7), Save By Hope (3)

Race 2. High Quality/Munich (1/1A), Jersy Crown (3)

Race 3. Pilya (4), Galing Sa Mabait (1), Shalom (7)

Race 4. Red hawk (6), Signature Move/Heirloom (2/2A)

Race 5. Radiance (5), Queen Juliana (2)

Race 6. Yabba Dabba Doo (4), Jade's Treasure (1)

Race 7. Lil John (4), Hello Junior (6)