Robin Hood, papalag sa PHILRACOM RBHS

ni Green Lantern - @Renda at Latigo | March 17, 2022

Mapapalaban si Robin Hood ngayong araw sa ilalargang PHILRACOM Rating Based Handicapping System sa Metro Turf, Malvar - Tanauan City, Batangas.

Rerendahan ni RM Garcia, masusubukan ang tikas ni Robin Hood laban sa 10 pang mahuhusay na kabayo sa distansyang 1,400 meter race.

Base sa mga kuwentuhan ng mga karerista sa social media, lamang sa laban si Robin Hood kaya makatitiyak na outstanding favorite siya pag-arangkada ng karera sa race 7.

"Tingin ko mahirap talunin si Robin Hood, pero sigurado mapapalaban din siya sa ibang mga kasali dahil mahuhusay din sila," saad ni Alberto Gomez, veteran karerista.

Ayon sa mga karerista na nagkomento sa facebook page ng karera, posibleng magbigay ng magandang laban sina Charm Campaign at Crown Jewel na rerendahan ni former Philippine Sportswriters Association, (PSA) Jockey-of-the-Year awardee Patricio Ramos Dilema.

Bukod sa mga nabanggit na kabayo ang ibang kalahok ay sina Viva Forever, Arubaitosan, Union Run, Charm Campaign, Buwayang Bato, El Mundo, Grand Laughter, Crazy Collin at Cinderella King.

Nakalaan ang P25,000 added prize na ikakalat sa unang apat na kabayong tatawid habang kukubrahin ng winning horse owner ang karagdagang premyo na P5,000.

May 8 karera ang inihain ng Metro Manila Turf Club Inc. (MJCI) ngayong araw ng Huwebes kaya tiyak na magiging masaya ang mga karerista sa kanilang paglilibang.

Suportado ng Philippine Racing Commission, (PHILRACOM) sa pamumuno ni chairman Reli De Leon ang lahat ng races.

Mga pili ni Green Lantern:

Race 1. Jungkook (5), Namayan/Calbayog (1/1A). Vivid Pink (4)

Race 2. Shanghai Noon (7), My Jopay (2), Greatest Love (1)

Race 3. Top Czar (7), Midnight Sonata (3) Battle Scar (1)

Race 4. Bishop Blue (6), Winning Move (8), My Way (2)

Race 5. Dr. Rap (1), Colony Bell (7), Pantay Pantay Lang (10)

Race 6. Narrative (5), It's A Deal (2), Sexy Love (6)

Race 7. Robin Hood (2), Viva Forever (1), Crown Jewel (11)

Race 8. Manang Biday (1), Bunso (9), Fruity Pebbles (12)