Robin Hood, masusukat ang galing sa Metro Turf

ni Green Lantern - @Renda at Latigo | July 10, 2022

Makikilatis ang tikas ni Robin Hood pag-arangkada nito sa Condition Race na gaganapin sa Metro Turf, Malvar - Tanauan City, Batangas, ngayong araw.

Komento ng mga karerista na mapapalaban ng todo si Robin Hood dahil mga sumasalang sa malalaking stakes races ang ibang mga kasali sa karerang may distansiyang 1,400 meter race.

Ilalarga sa Race 1, gagabay kay Robin Hood si former Philippine Sportswriters Association, (PSA) Jockey of the Year awardee, Jessie Guce.

Posibleng magbigay ng magandang laban kay Robin Hood ay sina Dragon Butterfly at Box Office na sasakyan nina Claro Pare at RA Base ayon sa pagkakasunod.

"Tiyak na mabibigyan ng magandang laban si Robin Hood kina Dragon Butterfly at Box Office," saad ni Jestoni Gonzales, veteran karerista.

Ang ibang kalahok sa event na suportado ng Philippine Racing Commission, (PHILRACOM) sa pamumuno ni chairman Reli De Leon ay sina Shanghai Noon, Rain Man at Calbayog.

Samantala, paniguradong pag-aaralang mabuti ng mga karerista ang tatayaang kabayo sa PHILRACOM Rating Based Handicapping System, kung saan haharurot ang 10 kabayo sa pang-apat na karera.

Posibleng magdomina sa bentahan sina Pitong Gatang, Raxa Bago at Charm N Luck, may distansiya ang nasabing karera na 1,400 meter race.

May added prize na P5,000 sa mananalong kabayo, ang ibang kalahok ay sina Determinado, Classy Babe, Asik Asik Falls, Caraga Wonder, Heavenly Star, Matukad Island at Quid Pro Quo.

Mga Pili ni Green Lantern:

Race 1 - Robin Hood (2), Dragon Butterfly (3), Box Office (6)

Race 2 - Sekretong Malupit (1), Seven Of Diamonds (9), Phenom (3)

Race 3 - Easy Landing (4), Janni Banni (3), Great Connection/Tontoneeto (2/2A)

Race 4 - Charm N Luck (2), Pitong Gatang (7), Raxa Bago (6)

Race 5 - Arubaitosan (1), Dollarama (6), Shankara (2)

Race 6 - Hot Rot Hearts (9), This Time (6), Bishop Blue (8)

Race 7 - Cinderella King (3), It's A Deal (8), Jawo (2)

Race 8 - Right Answer (3), Prime Time Magic (7), Hang Loose (6)

Race 9 - Princess Miyomi/Lakan Takhan (2/2A), Boodle Fight (7)

Race 10 - Sheer/Ambisioso (2/2A), Joyous Solution (7), Bullet (1)