Robin Hood, babawi sa Rating Based Turf

ni Green Lantern - @Renda at Latigo |September 22, 2022

Pakay ni Robin Hood na makabawi agad mula sa pagkabigo sa huli nitong takbo sa pista.

Sasabak si Chairman's Cup Division II winner, Robin Hood sa PHILRACOM Rating Based Handicapping System ngayong araw sa Metro Turf, Malvar-Tanauan City, Batangas.

Rerendahan ni former Philippine Sportswriters Association, (PSA) Jockey of the Year awardee Jessie Guce, makakalaban ni Robin Hood sina Charm Campaign, Namayan, Stella Malone at Silab. Nakalaan ang garantisadong P45,000 na ikakalat sa unang apat na kabayong tatawid sa meta habang may karagdagang premyo na P10,000 ang hahamigin ng winning horse owner.

May distansiyang 1,200 meter race ang nasabing event na suportado ng Philippine Racing Commission, (PHILRACOM) sa pamumuno ni chairman Reli De leon.

Sa huling takbo ni Robin Hood ay nabigo ito sa regular race nang talunin siya ni Big Lagoon.

Maliban sa nasabing karera, inaasahang magandang laban din ang mapapanood ng mga karerista sa ilalargang 2-Year-Old Maiden Race na pakakawalan sa pang-limang karera.

Limang tigasing kabayo ang magbabakbakan sa distansiyang 1,200 meter race ito'y sina Snow White, Cole Is A Role, Sonic Clay, Rocking Bell at Lake Balinsasayao.

Samantala, pitong karera ang inihanda ng Metro Manila Turf Club Inc. (MMTCI) kaya tiyak na masisiyahan ang mga karerista sa kanilang paglilibang.

Mga Pili ni Green Lantern:

Race 1 - Robin Hood (5), Stella Malone (3)

Race 2 - Don Damiano (2), Determinado (6)

Race 3 - Grand Laughter (4), Hot Rot Hearts (6)

Race 4 - Hot Legs (6), Pass Your Papers (4)

Race 5 - Lake Balinsasayao (4), Cole Is A Roll (2)

Race 6 - Laughing Tiger (1), Magnum Force (5)

Race 7 - Happy Julliane (7), Pendant (9), Namaskar (2), Rise And Shine (5)