Righteous Ruby, una sa Cool Summer Farm

ni Green Lantern - @Renda at Latigo | April 6, 2022

Pinabilib ni Righteous Ruby ang kanyang mga tagahanga matapos ang makapigil-hiningang panalo sa katatapos na 2022 PHILRACOM - Cool Summer Farm Imported Challenge Race na inilarga sa San Lazaro Leisure Park sa Carmona, Cavite noong Linggo.

Halos mapaangat sa upuan ang mga karerista nang makapanood ng matinding bakbakan papuntang meta sina Righteous Ruby at Dragon Butterfly kung saan nagkatalo sa ulo lang ang pagitan. "Ang husay ng dalawa, siguro kung may distansiya pa baka lumampas si Dragon Butterfly," saad ni Jericho Rodriguez, veteran karerista.

Nagtagisan ng bilis sa unahan sina Raintree Starlet at American Factor habang nasa pang-anim at pang-pito sina Righteous Ruby at Dragon Butterfly ayon sa pagkakasunod.

Subalit papasok ng home turn ay kumukuha na ng unahan sina Righteous Ruby at Dragon Butterfly at sa huling 100 metro ng karera ay nasilayan ang matinding bakbakan ng dalawa.

Nirendahan ni jockey MM Gonzales, inirehistro ni Righteous Ruby ang 1:40.8 minuto sa 1,600 meter race sa event na suportado ng Philippine Racing Commission, (PHILRACOM) sa pamumuno ni chairman Reli De Leon.

Dumating na segundo si Dragon Butterfly, tersero si Reliable Den habang pang-apat si Full Stream.

Samantala, walong karera ang inihain ng Metro Manila Turf Club Inc. (MMTCI) ngayong araw ng Miyerkules kung saan inaasahang aabangan ng mga karerista ang labanan ng mga batang kabayo sa 3-Year-Old & Above Maiden Race na pakakawalan sa pang-7 karera. Hahamigin ng winning connection ang added prize na P20,000, ang mga magtatagisan ng bilis ay sina Montage, Blue Empire, Lucky Choice, Queensland, Barrio San Roque, Luck N Load, Ala Savoun, Bakya Mo Neneng at Windstorm.

Mga Pili ni Green Lantern:

Race 1. Ashea's Will (5), Extremely Tough (8), Kisskissbangbang (7)

Race 2. Eyeshot (3), Born In April (6)

Race 3. Phenom (9), Easy Landing (7), Morning Girl (4)

Race 4. Aliwagwag Falls/Matikas (6/6A), Crown Jewel (1), Jacqueline (5)

Race 5. Old Timer (1), Don Damiano (2)

Race 6. Broadway (4), Goldbar (7), Nasayona Anglahat (2)

Race 7. Ala Savoun (7), Bakya Mo Neneng (8), Barrio San Roque (5)

Race 8. Bishop Blue (6), Mark Of Success (7), Perfect Time (3)