Righteous Ruby, lalarga sa SLLP

ni Green Lantern - @Renda at Latigo | June 5, 2022

Tiyak na mapapalaban ngayong araw si Righteous Ruby sa magaganap na PHILRACOM Special Imported Local Challenge Race na ilalarga sa San Lazaro Leisure Park sa Carmona, Cavite.

Nakatokang sumakay kay Righteous Ruby si former Philippine Sportswriters Association, (PSA) Jockey of the Year awardee Jonathan Hernandez sa distansyang 1,750 meter race.

Makakatagisan ng bilis ni Righteous Ruby sina Crowded Trade, Downsideprotection, Time For Glory, Darleb, Shastaloo, Raintree Starlet, Dragon Butterfly at Truly Ponti.

Ayon sa mga komento ng mga karerista, inaabangan din nila ang pagtakbo ni Darleb, naniniwala silang may buti ang kabayo.

Rerendahan ni dati ring PSA-JoY awardee Jessie Guce si Darleb sa event na may guaranteed prize na P300,000 kung saan hahamigin ng mananalong kabayo ang P180,000.

Kukubrahin ng second placer ang P60,000, mapupunta sa 3rd at 4th ang tig-P30,000 at P15,000 ayon sa pagkakasunod habang tatanggap din ng tig-P9,000 at P6,000 ang fifth at sixth.

Ang nasabing event ay suportado ng Philippine Racing Commission, (PHILRACOM) sa pamumuno ni chairman Reli De Leon.

Samantala, paniguradong magandang laban din ang masisilayan ng mga karerista sa 3-Year-Old & Above Maiden race na pakakawalan sa pangalawang karera.

Posibleng magdomina sa takilya ang kalahok na sina Dubai Classic at Queen Louise sa karerang may haba na 1,400 meter.

Makakalaban nina Dubai Classic at Queen Louise sina Ganbatte, Private Dining, Laughing Inside, Sun Dance, Destiny, Music Lover, Special Officer at Papa Ohh Mamaw.

Makakatanggap ng added prize na P10,000 ang pag-aari ng mananalong kabayo na ang edad lamang ay tatlong taon.

Gagabayan ni Pabs Cabalejo si Dubai Classic habang si AS Pare ang sasakay kay Queen Louise.

Mga Pili ni Green Lantern:

Race 1 - Hot Legs (3), Tokyo Tokyo Rumba (9), Sagitsit (8)

Race 2 - Dubai Classic (2), Queen Louise (6), Destiny (7)

Race 3 - Play It Safe/Miss Thrifty (1/1A), Chi Nita (4), Daldalero (5)

Race 4 - Dollarama (3), Step Bell (7), Sky Plus (12)

Race 5 - Righteous Ruby (7), Truly Ponti/Dragon Butterfly (6/6A), Darleb (4)

Race 6 - Ninong (5), Tocque Bell (10), Cam From Behind (6)

Race 7 - Rhaegal (10), Skyscraper (1), Haymaker (3)

Race 8 - Luke Skywalker/Aroma (1/1A), Meteora (9), Chef Kat (11)

Race 9 - Aphrodite (2), Fortress (7), Double Shot (1)

Race 10 - Joyous Solution (1), Magnolia Yana (11), Medaglia D' Amor (3)

Race 11 - Obra Maestra (7), Gusto Mucho (8), Greatwall (1)

Race 12 - Weather Lang (5), Shanghai Noon/Goldsmith (2/2A)

Race 13 - Phenom (7), Anika's Will (3), Lord Chancellor (13)