Remulla kay Romualdez: Bawal ang alalay sa selda

ni Mervin Reyes @News | November 7, 2026

Photo: Ombudsman Jesus Crispin “Boying” Remulla sa pagpapahintulot sa isang personal assistant ni dating House Speaker Martin Romualdez na manatili at tumulong sa kanya sa loob ng New Quezon City Jail. Office of the Ombudsman / File

Kinuwestiyon ni Ombudsman Jesus Crispin “Boying” Remulla ang pagpapahintulot sa isang personal assistant ni dating House Speaker Martin Romualdez na manatili at tumulong sa kanya sa loob ng New Quezon City Jail.

“Bawal ’yan. That is not allowed. That’s favoring somebody,” ani Remulla sa ibinahaging pahayag.

Nagbabala rin ang Ombudsman na maaaring matanggal sa serbisyo ang mga tauhan ng kulungan na mapatutunayang lumabag sa mga umiiral na patakaran.

Ayon kay Remulla, maaari ring magdulot ng panganib sa seguridad ang malayang pagpasok at paglabas ng personal assistant sa pasilidad.

Nauna rito, kinumpirma ni jail warden Maria Lourdes Pacion na pinayagan niya ang personal staff ni Romualdez na tumulong sa pang-araw-araw nitong pangangailangan.

Ipinaliwanag ni Pacion na ginawa ang naturang arrangement batay umano sa humanitarian considerations.