Red Lions, naka-2nd win Stags, hindi pinaporma

ni Gerard Arce - @Sports | September 22, 2022

Nagawang maisalba ng San Beda University Red Lions ang kanilang ikalawang panalo matapos mabura ang kanilang 23-puntos na kalamangan upang matakasan ang San Sebastian College-Recoletos Stags sa iskor na 78-71 sa unang laro kahapon sa 98th National Collegiate Athletic Association (NCAA) men’s basketball tournament sa FilOil EcoOil Centre sa San Juan City.

Isinalba ni Filipino-Canadian James Kwekuteye ang laro ng kumana ito ng game-high 20 puntos, 3 rebounds, 3 steals at tig-isang assist at block upang makabawi sa masaklap na pagkatalo sa nagdaang laro kontra Lyceum Pirates na hindi nagawang mapanatili ang kalamangan para yumuko sa 81-89 nitong nagdaang Sabado.

Inilista ng Mendiola-based ballers ang pinakamalaking kalamangan sa first period sa

23-puntos sa 25-2 patungo sa 30-11 sa pagtatapos ng naturang quarter. Unti-unting tyinaga ng San Sebastian na matapyas ang malaking hinahabol matapos kumana ng 25 puntos sa second period upang maibaba sa 10 puntos sa pagpasok ng halftime sa 36-46.

Ang inaasahang tambakang laro ay nagresulta sa dikitang laban ng magpatuloy sa pagkana ng puntos at magandang depensa ang Recto-based squads upang mas matapyas sa pinakamaliit na kalamangan sa dalawa sa 57-59 sa pagtatapos ng third period kasunod ng 21 puntos ng San Sebastian.

Sa kalagitnaan ng 4th period ay naisalpak ni JB Bahio ang isang basket para sa 67-61, subalit bumitaw sina Romel Calahat ng tres at isang free throw ni Kenneth Villapando upang lumapit sa 65-67 sa nalalabing 4:29 ng final canto.

Mga laro bukas (Biyernes) (FilOil EcoOil Centre) 12:00 n.t. – CSB Blazers vs Letran Knights; 3:00 n.h. – UPHSD Altas vs Mapua Cardinals