Raxa Bago at Barayong kontra Filipino Emperor

ni Green Lantern - @Renda at Latigo | June 1, 2022

Papalagan ng magka-kuwadrang Raxa Bago at Barayong ang husay ni Filipino Emperor pagharap nila sa PHILRACOM Rating Based Handicapping System na ilalarga sa San Lazaro Leisure Park sa Carmona, Cavite, ngayong araw.

Posibleng madehado sa laban sina Raxa Bago at Barayong na rerendahan nina JA Guce at JM Estorque ayon sa pagkakasunod habang tiyak na liyamado si Filipino Emperor na sasakyan ni JPA Guce sa distansyang 1,400 meter race.

Batay sa komento ng mga karerista, malaki raw ang tsansang manalo nina Raxa Bago at Barayong dahil maganda ang kanilang ikinikilos sa pista. "May angking husay si Raxa Bago kaya ayon sa ibang karerista ay malaki ang pag-asa nitong manalo," saad ni Richard Veloso, veteran karerista.

Makikipagtagisan ng bilis ang ibang kalahok, ito'y sina Air Class, Gee's Brulay, Rafi's Point, Katuparan, The Price Is Right, Excavator, Pretty Meadow, Coup D' Etat at Double Shot.

May added prize na P15,000 na ikakalat sa unang apat na kabayong tatawid sa meta habang P5,000 naman na karagdagang premyo ang ibibigay sa mananalong kabayo.

Bukod sa nabanggit na karera, paniguradong aabangan din ng mga karerista si Mommy Caring na galing sa mahabang bakasyon.

Gagabayan ni jockey Pabs Cabalejo, muling masusubukan ang husay ni Mommy Caring sa karerang may haba na 1,400 meter race.

Makakalaban ni Mommy Caring sina Patong Patong, Speeding Hero, Arrogante, La Liga Filipina, Big Lagoon at King Tiger.

Suportado ng Philippine Race Commission, (PHILRACOM) sa pamumuno ni chairman Reli De Leon.

Mga Pili ni Magat:

Race 1 - Raxa Bago/ Barayong (1/1A), Filipino Emperor (11) Katuparan (5),

Race 2 - Hee Nieve Rahh/Noh Sen Young Yana (2/2A), Rockaway (7), Work From Home (4)

Race 3 - Krugerrand/Eochirunran (6/6A), Lucky Lea (1), Meteora (8)

Race 4 - Platinum Bell (4), O Sole Mio (1), Believe In Me (7)

Race 5 - Brightright (7), Fire Council/Misha (3/3A), My Sweet Lord (8)

Race 6 - Mommy Caring (1), King Tiger (7). Patong Patong (2)

Race 7 - Cool Mom (3), Christiano (2), Princess Via (1)