Raintree Starlet at Chancetheracer, patok

ni Green Lantern - @Renda at Latigo | February 13, 2022

Isa sa mga tampok na karera ngayong araw ay ang bakbakan ng mga tigasing kabayo sa 2022 PHILRACOM "Imported Stakes Race A" na ilalarga sa Metro Turf, Malvar - Tanauan City, Batangas.

Posibleng magdomina sa bentahan sa distansyang 1,600 meter race sina Raintree Starlet at Chancetheracer na gagabayan ni dating Philippine Sportswriters Association, (PSA) Jockey-of-the-Year awardee Jessie B. Guce.

Nakalaan ang guaranteed prize na P500,000, ang ibang kalahok ay sina Gomper Girl, American Factor at Dragon Butterfly, suportado ng Philippine Racing Commission (PHILRACOM) sa pamumuno ni chairman Reli De Leon ang nasabing event. Susungkitin ng mananalong kabayo ang P300,000, mapupunta ang P112,500 sa second habang tig-P62,500 at P25,000 ang ibubulsa ng 3rd at 4th placers ayon sa pagkakasunod.

Aabangan din ng mga karerista ang takbo ni My Prancealot sa PHILRACOM "Imported Stakes Race B" na pakakawalan sa pang-apat na karera habang sa race 7 tatakbo sina Raintree Starlet at Chancetheracer.

Sasakyan ni jockey NC Lunar, masusubukan din ang husay ni My Prancealot kontra apat na tigasing kalahok sa distansiyang 1,600 meter race.

Nasa P500,000 din ang guaranteed prize, ipamumudmod din sa apat na titimbang na kabayo.

Makakatagisan ng bilis ni My Prancealot sina Phenom, Secret Romance, Declare For Flare at Tocque Bell na rerendahan ni dating PSA, JoY awardee Jonathan Hernandez.

"Lima lang silang maglalaban pero dalawa ang pipiliin ko diyan, magagaling kasi lahat ng kasali kaya mahirap mag- single," sabi ni Edmon Gumban, veteran karerista.

Hahamigin ng mananalong kabayo ang P300,000, kakalawitin ng second placer ang P112,500 habang tig- P62,500 at P25,000 ang third at fourth.

Mga Pili ni Green Lantern:

Race 1. Sky Candy (2), Namayan (1)

Race 2. Pitong Gatang (2), Seven Of Diamonds (1), Baywatch (9)

Race 3. Double Rock (5), Sweet Luck (2), Apo Ni Maria (8)

Race 4. Declare For Flare (3), My Prancealot (5)

Race 5. Charm Campaign (7), Cinderella King (4), Full Combat Order (9)

Race 6. Fortune Island (2), Achilles (3), Since When (8)

Race 7. Chancetheracer (2), Raintree Starlet (5)

Race 8. Extremely Tough (11), Speedy Chase (2), Broadway (10)

Race 9. Prince Arman (1), Geneva (4), Dimakya Island (6)

Race 10. My Dear Magnolia (8), Vanquisher (7), Lady Khaleesi (6)

Race 11. Summer Cruise (4), Rockstar Show (2)

Race 12. Arubaitosan (7), Red Sole (4), Midnight Star (6)

Patok - Sky Candy, Charm Campaign

Pandehado - Double Rock, Declare For Flare, Fortune Island, My Dear Magnolia,