Puntod, ginawang content ng mga vloggers… SIGAW NI JESSY: RICO YAN, RESPETUHIN N'YO NAMAN!

ni Vinia Vivar @Frankly Speaking | July 10, 2024

Nabahala na rin si Jessy Mendiola sa mga vloggers/content creators na ginagawang content ang pagbisita sa libingan ng yumaong aktor na si Rico Yan sa Manila Memorial Park, Parañaque. Naging trending kasi ito nitong mga nakaraang araw sa TikTok.         

Sa isang viral video ay makikita ang isang content creator na nakatambay sa grave ni Rico at kung anu-anong ginagawa niya rito, hinimas-himas niya ang nameplate ng namayapang aktor at panay din ang yakap niya sa puntod nito.

Binura na ng TikTokerist ang video pero nai-repost na ito nang paulit-ulit ng iba’t ibang users.

Isang netizen din ang tinawag nang “new tourist destination” ang libingan ni Rico. 

Marami ang naalarma sa pangyayaring ito at mahigpit nilang tinutulan ang ginagawa ng mga vloggers.

Isa nga sa mga hindi nakapagpigil na magpahayag ng kanyang concern ay ang misis ni Luis Manzano. Sa kanyang Instagram (IG) Story, nanawagan ang aktres na irespeto naman ang namayapang aktor.

“Wala na ba magawang matino ang mga social media addicts? Konting respeto naman sa namayapa na at pati na rin sa pamilya ng yumao. Susme, lahat na lang ba para sa likes, followers and views? Nakalimutan na yata ng mga tao ang salitang ‘respeto.’ Wala nang decency,” pahayag ni Jessy.

Narito naman ang pahayag ng iba pang netizens:

“Rico Yan is such a moment but he deserves better. Let him rest in peace na.”

“Why are the Rico Yan fans so weird and creepy? Let him rest in peace already.”

“Visiting the grave with courtesy is acceptable, as people do that with their loved ones as well. But making fun of those who are sincerely visiting Rico’s grave is unacceptable. Remembering Rico’s legacy but not to the extent of disrespecting the late actor. Have some respect for Rico’s family, too.”

Matatandaang pumanaw si Rico Yan nu’ng March 29, 2002 sa edad na 27.

---

MASAYANG-MASAYA ang award-winning child actress na si Elia Ilano na isa siya sa mga napiling maging lead actress sa The Miracle of Fatima: The Musical dito sa Pilipinas.

Sa mga hindi nakakaalam, si Elia ang nagwaging Best Child Actress sa 2024 Filipino Academy of Movie Arts and Sciences (FAMAS) para sa mahusay niyang pagganap sa pelikulang ‘Pinoy Ghost Tales. Last year ay nanalo rin siyang Best Child Actress sa PMPC Star Awards for Movies para naman sa pelikulang The Housemaid.

Dahil sa husay niyang umarte, halos hindi siya nawawalan ng proyekto. At the age of 14 ay napakarami na niyang nagawang teleserye at pelikula.

Nag-audition si Elia para sa role na Lucia dos Santos (also called as Lucia of Fatima) na isa sa tatlong batang pinagpakitaan ng himala ng ating Our Lady of Fatima nu’ng 1917. Ganu’n na lang ang kanyang katuwaan nang mapalad nga siyang napili para sa nasabing mahalagang papel.

“As one of the devotees of Our Lady of Fatima, I’m excited to give it a try. It’s for Her and I actually love to do a musical,” pahayag ni Elia sa mediacon na ginanap kamakailan.

Pangalawang musical play na ito ni Elia at aniya ay nag-e-enjoy siyang gawin ito as much as she enjoys doing mainstream movies and TV series.

In her recent Instagram post ay ipinahayag din ng child actress ang kanyang kasiyahan for getting the role.

“Finally, I can already share this amazing news to all of you po. I am grateful to be chosen to play Lucia dos Santos, one of the three shepherd children that witnessed the apparition of Our Lady of Fatima, in the internationally produced theater musical play The Miracle of Fatima The Musical,” aniya.

Paliwanag pa niya, “The Miracle of Fatima The Musical started in the United States of America then went to Portugal then to Dominican Republic, and now, it will have its first run here in the Philippines starting this October.”

Bukod kay Elia ay kasama rin sa cast sina Kian Co, Sophia Marie Banaag, Ramjean Entera, Aina Rhycel G. Salazar, Fatima Marie Mislang, Prince Nathaniel Espana, Terrace Guillermo, among others.

The Miracle of Fatima: The Musical is opening this October 13, 2024 (tentative date) at Gateway Cineplex Cinema 5 running every Wednesday to Sunday until December, 2024.