ni Angela Fernando @News | May 20, 2024
Nasawi ang 63-anyos na Iranian President na si Ebrahim Raisi matapos bumagsak ang helikopter na sinasakyan na lumipad malapit sa Iran-Azerbaijan border nu'ng Mayo 19.
Ayon sa state news agency ng Iran na ‘IRNA’, ang helikopter na sinasakyan ni Raisi ay gawa ng bansang United States na tinatawag na Bell 212.
Dahil sa insidente, kailangang mag-ayos ng panibagong halalan ng konseho ng Iran upang maghalal ng panibagong pangulo sa loob ng 50 araw.
Matatandaang nahalal si Raisi na presidente nu'ng 2021 at inaasahang ngayon ay mapapalitan sa ilalim ng alituntunin ng konstitusyon sa unang bahagi ng Hulyo.
Kommentare