Premiere Danseur, lalarga sa Metro Turf

ni Green Lantern - @Renda at Latigo |October 12, 2022

Nakatutok ang mga liyamadista kay Premiere Danseur kaya maaari itong magdomina sa bentahan paglarga ng Condition Race (23) na pakakawalan sa Metro Turf, Malvar - Tanauan City, Batangas, ngayong araw.

Pang-primera ng tipsters sa programa ng karera si Premiere Danseur kaya inaasahang markado siya ng kanyang mga katunggali sa distansiyang 1,200 meter race.

Sasakyan ni jockey RS Calubiran, makakatagisan ng bilis ni Premiere Danseur sina Konzeelanz, Rafa, Grey Area at Wessfacckol.

"Magaling na kabayo kaya patok sa akin yan si Premiere Danseur," pahayag ni Danilo Buenavista, veteran karerista.

Nakalaan ang added prize na P10,000 para sa winning horse owner, inisponsoran ito ng Philippine Racing Commission, (PHILRACOM) sa pamumuno ni chairman Reli De Leon.

Samantala, pitong races ang pakakawalan ng Metro Manila Turf Club Inc. (MMTCI) ngayong araw ng Miyerkules kaya inaasahang magiging masaya ang mga karerista sa kanilang paglilibang.

Isa pang aabangan ng mga liyamadista ay ang pagtakbo ni Hee Nieve Rahh sa PHILRACOM Rating based Handicapping System na ikakasa sa pang-anim na karera.

Makakalaban ni Hee Nieve Rahh sina Janni Banni, Maaasahan, Oktubre Katorse, Vandex, Fire Wind, Bullet at Don Lucas sa distansyang 1,200 meter race.

Mga Pili ni Green Lantern:

Race 1 - Premiere Danseur (1), Grey Area (4)

Race 2 - Off Shoulder (5), Don Damiano (4)

Race 3 - Agaron (7), May Ten (10), Mama Rocks (8)

Race 4 - Kahit Sino Ka Pa (7), Union Run (4), Hot Legs (2)

Race 5 - Tons Of Gold (5), Dollarama (3)

Race 6 - Don Lucas (8), Hee Nieve Rahh (7), Bullet (6)

Race 7 - Hot Rot Hearts (6), My Dad Bogart (2), Piece Of Cake/Heroesdelninetysix (4/4A)