Post ng utol ni Toni, pinagpiyestahan… ALEX, NANGANAK NA RAW, INULAN NG PAGBATI NG CELEB FRIENDS

ni Julie Bonifacio @Winner | August 27, 2026

Photo: IG _cathygonzaga

How true na nagsilang na si Alex Gonzaga sa first baby nila ni Mikee Morada?

Ilang buwan na rin ang lumipas noong unang i-announce ng mag-asawa ang pagbubuntis ni Alex.

Sa kanyang Instagram (IG) kahapon ay tila nagbigay ng update ang aktres-vlogger. Ipinost nito ang kanyang mga larawan na kuha sa studio. Sadyang nagpa-photo shoot si Alex para sa kanyang first pregnancy.

Sey sa caption, “I’ll miss carrying you inside my tummy, my baby. It was like having our own little world.”

Last June ay niregaluhan si Alex ng baby shower ng kanyang only sister na si Toni Gonzaga. Ang bongga ng celebration ng ate niya dahil mula sa sikat na brand ng mga damit ang theme nito.

Si Toni ang nag-organize ng Ralph Lauren aesthetic with a soft blue and bear motif-themed baby shower for Alex.

Bumaha naman ng pagbati sa comment section ng latest IG post ni Alex mula sa kanyang celebrity friends. Una na si Luis Manzano, na nag-comment ng tatlong red heart emojis.

Sey ng mga netizens:

“First time ko na makakita ng comment ni Kuya Luis na seryoso kay Alex.”

“Bait ni Ninong Luis.”

“Nag-comment na ‘yung NINONG.”

Ang iba pang nag-comment ay sina Mariel Rodriguez, Liz Uy at ang mag-asawang Melai Cantiveros at Jason Francisco.

Excited na rin ang mga IG followers ni Alex na makita ang firstborn nila ni Mikee.

Mensahe ng mga fans:

“Waiting lagi sa new upload mo, Alex. Everyone is excited na makita ang inaanak ng buong Pilipinas.”

“Isa ako sa mga nag-pray na sana, makabuo na sila at ito na nga, malapit nang manganganak (sic).”

“Praying for safe delivery.”

Congratulations, Alex and Mikee!

---

Tennis player, fashionista raw…

ALEX EALA, INAABANGAN NG FANS SA MET GALA

• 

  IG: Alex Eala

FROM one Alex to another Alex ang tsika namin for our next item. Ang tennis superstar na si Alex Eala ang tinutukoy namin.

Champion na, fashion icon pa ito sa larangan ng tennis. ‘Yan ang impression ng sikat na fashion guru na si Anna Wintour sa ating bagong sports pride na si Alex.

Pansin na pansin ni Anna ang fashion style ni Alex inside the court. Kaya naman, pinuri niya si Alex sa isang interview.

Pahayag ni Anna, “Well, I think it’s really interesting, especially when you look at players obviously like Serena or Naomi who really embrace fashion and express themselves with it, and we had the young Filipino star, you know.

“You could see even in such a young star how interested she is in fashion and how she wants to learn about it and follow it, and it’s great. It’s wonderful how sports and fashion have become this wonderful sort of marriage.”

Shocked naman ang mga fans ni Alex sa mga sinabi ni Ateng Anna.

Sey ng mga netizens:

“Wow! Anna Wintour, the Met Gala fashion executive, mentioned Alex for her good fashion sense, as well as Naomi & Serena.”

“Oh, we need Eala for next year’s Met Gala.”

“Agreed, elite fashion of class, good example of Gen Z and with greatest in tennis.”

Wow, Alex Eala at the Met? Ka-VOGUE!