Phl Horseracing and Breeding Expo, dinumog

ni Green Lantern - @Renda at Latigo |October 17, 2022

Dinagsa ng racing fans ang isinagawang Philippine Horseracing and Breeding Expo noong Biyernes sa Lazaro Business and Leisure Park sa Carmona, Cavite.

Matagumpay ang nasabing kauna-unahang event ito'y dahil sa malaking suporta ng mga racing aficionados na sumaksi.

Ang nasabing event na kinonsepto ng Philippine Racing Commission, (PHILRACOM) sa ilalim ng pamamahala ni chairman Reli de Leon ay para mas lalong mapaganda ang horseracing at sports tourism sa Pilipinas.

Panauhin sa ribbon-cutting ay si Atty. Margarita N. Gutierrez, Undersecretary of the Department of Interior and Local Government, siya ang kumatawan kina President Ferdinand R. Marcos Jr. at Secretary Benjamin Abalos Jr.

"Ngayong unti-unti tayong bumabangon mula sa pagkakasadlak na dulot ng COVID-19 pandemic, higit na kailangan nating pasiglahin pa ang industriya upang tulungan nating maibalik ang sigla ng ating pambansang ekonomiya," saad ni Gutierrez.

Ang ibang dumalo sa event ay sina Games and Amusements Board OIC Atty. Ermar Benitez at representative of the Municipality of Malvar, Batangas Atty. Rey Villegas. "The 1st Philippine Horseracing and Breeding Expo brings the industry closer to the general public and the kareristas to further its development and help it to get back the glory set aside by the recent pandemic," ani De Leon.

Sa mga dumalong racing fans nagkaroon ng raffle prizes at pa-premyo rin sa trivia questions kaya lahat ay naging masaya.