Pera, alahas tinangay... Mag-asawa niratrat sa loob ng bahay, patay

ni Mai Ancheta @News | September 10, 2026

Photo: File

Malagim na kamatayan ang sinapit ng isang mag-asawa makaraang pasukin ng armadong kalalakihan ang kanilang tahanan habang tulog ang mga ito sa Brgy. Talitay, Datu Montawal, Maguindanao del Sur nitong Martes ng gabi.

Kinilala ang mga biktima na sina Alex at Bimban Bai Pandapatan na nagtamo ng maraming tama ng bala sa iba't ibang bahagi ng katawan.

Tinangay umano ng mga hindi nakilalang salarin ang pera at alahas ng mga biktima bago nagsitakas.

Nagpapatuloy ang imbestigasyon para matukoy ang mga salarin at mapanagot sa batas.