PBBM, itinalaga ang 3 bagong opisyal
Nov 9, 2023
1 min read
ni Eli San Miguel - Trainee @News | November 9, 2023
Itinalaga ni Pangulong Ferdinand Marcos Jr. ang dating executive director ng Metropolitan Manila Development Authority (MMDA) bilang Commissioner of the Presidential Commission on Good Government (PCGG).
Batay sa Presidential Communications Office (PCO) ngayong Huwebes, si Angelito Vergel De Dios ngayon ang mamumuno sa PCGG sa ilalim ng Department of Justice.
Itinalaga rin si Bryan Lim bilang Special Envoy of the President to the Republic of Korea for Trade and Investments.
Samantala, sinabi ng PCO na itinalaga si Julius Neri Jr. bilang General Manager at Chief Executive Officer na miyembro ng Board of Directors ng Mactan-Cebu International Airport.
Comments