PBBM, isinugod sa ospital, fake news — Castro

ni Mylene Alfonso @News | March 1, 2026

Photo: PCO

Hindi totoo ang umano’y kumakalat na balitang dinala si Pangulong Ferdinand Marcos, Jr. sa ospital.

Ayon kay Palace Press Officer at Presidential Communications Office (PCO) Usec. Claire Castro, nagawa pang dumalo sa isang pagpupulong ng Pangulo kahapon ng umaga.

Taliwas umano ito sa bali-balitang dinala si PBBM sa isang ospital sa Quezon City.

“The President was in a private meeting with the Presidential Management Staff this morning. He is well, healthy, and working even on a Saturday,” ani Castro.

Matatandaang noong Enero 22, 2026, ay inanunsyo ni Castro sa publiko na nagpalipas ng gabi si PBBM dahil sa pagsailalim sa medical observation sa St. Luke’s Medical Center sa Quezon City matapos umano nitong makaranas ng “discomfort” noong Enero 21.

Agad din namang personal na kinumpirma ni PBBM ang pagbuti ng kanyang kalusugan noon ding hapon ng Enero 22, matapos siyang ma-diagnose ng sakit na diverticulitis.