5 yrs. old, tinangay sa eskwelahan

ni Mervin Reyes @News | October 23, 2026

Photo: PNP Alaminos Municipal Police Station

Nananawagan ang isang ina na ibalik ang kanyang 5-anyos na anak matapos itong isama umano ng isang lalaki mula sa paaralan sa Calamba City, Laguna, noong Oktubre 20.

Ayon sa inang si ‘Erica’, kilala ng bata ang suspek dahil dati itong kinakasama ng kanyang lola at tumutulong sa pag-aalaga at pagsundo sa kanya.

“Ibalik mo na ‘yung anak ko, kasi hindi ko alam kung safe ba siya, kumakain ba siya,” pakiusap ng ina.

Bumuo na ang Calamba Police ng Special Investigation Team upang hanapin ang bata at ang suspek. Nanawagan din ang pulisya na ligtas na ibalik ang bata sa pamilya o dalhin ito sa pinakamalapit na barangay hall.