Pautay-utay na "lockdown" naman ang bagong pauso sa NCR!

ni Ka Ambo - @Bistado | September 07, 2021

IBINABA na sa GCQ ang Metro Manila mula sa MECQ.

Yipee!

◘◘◘

PERO ipatutupad ang granular lockdown.

Bagong diskarte 'yan!

◘◘◘

ANO raw sa Tagalog ang granular lockdown?

Ito ay pautay-utay na pagsasarado ng kalye!

◘◘◘

PUWEDE nang magpagupit at magpaahit ang mga holdaper upang magmukhang sundalo.

Marami na namang mama-"murder" ang mga manikurista!

◘◘◘

HINIHIMOK ng kampo ni VP Leni si Sen. Manny Pacquiao na mag-vice-presidential candidate.

Wala pa itong sagot!

◘◘◘

DINIDIKTAHAN ba ni P-Digong si Sen. Bong Go?

O, si Go ang nagdidikta kay P-Digong?

May nagpapatanong lang!

◘◘◘

PUWEDE na ulit magparehistro sa Comelec.

Matutuwa ang mga patay!

◘◘◘

WALANG bagyo.

Kwidaw, baka supertyphoon kapag may dumating?

◘◘◘

P12 trilyon ang utang ng 'Pinas. Pang-Guinness Book of World Records.

Isang siglo bago ito mababayaran ng ating mga apo at ng kasalukuyang sanggol!

◘◘◘

WALA nang normal na magbabalik.

Abnormal na ang ating mararanasan mula ngayon!

◘◘◘

MAS marami ang gumagaling kaysa sa mga nagkakasakit ng COVID-19.

Bakit itinatago ang ganyang datos?

◘◘◘

KULTURA na ngayon na ilihim sa mamamayan ang mga taong may sintomas ng COVID-19.

Napatunayan kasi “in practice” na gumagaling ang may mild COVID-19!

◘◘◘

PRAKTIKAL at may lohika ang modernong kulturang ito kaysa sa lipas nang protokol na nilalabag nang kaliwa't kanan.

Ganun na nga!

◘◘◘

NAG-collapsed na ang public healthcare system sa Pilipinas.

Dahil ang mga may COVID-19 ay ginagamit “in private” with secrecy!

◘◘◘

INUTIL ang monitoring system ng gobyerno at data gathering scheme kaugnay ng COVID-19.

Ito ay bunga ng kamangmangan at talamak na korupsiyon!

◘◘◘

PANAHON na upang magbalasa ng gobyerno si P-Digong.

Unahin niya ang DOH, DILG, DTI at DoF!