Para sa Undas at holiday season…“No absent, no day off” sa mga traffic personnel — MMDA

ni Lolet Abania | October 20, 2022

Magpapatupad ang Metropolitan Manila Development Authority (MMDA) ng “no absent, no day off” policy para sa mga traffic personnel upang maging handa at full force sila sa pagdagsa ng mga pasahero sa paggunita ngayong taon ng Undas.

Sa isang public briefing ngayong Huwebes, sinabi ni MMDA spokesperson Atty. Melissa Carunungan na ang mga traffic enforcers ay ide-deploy din sa mga bus terminals dahil sa inaasahang pagdami ng mga pasahero na pupunta at aalis ng kanilang lugar.

“With our traffic personnel for Undas po magkaka ‘no absent, no dayoff’ policy rin po sila para we will be ready and full force during Undas po,” pahayag ni Carunungan.

“’Yung tinitingnan po ng MMDA usually pag-Undas ay ‘yung aming bus terminals, so we are deploying traffic enforcers po doon para for the influx of people coming or leaving Manila,” dagdag ng opisyal.

Ayon kay Carunungan, magtatalaga rin ang ahensiya ng mga traffic at rescue personnel sa mga pangunahing public cemeteries para sa mga emergencies.

“Magde-deploy rin po kami ng traffic enforcer sa ating mga major public cemeteries and in addition to this we also have rescue personnel that will be on standby po sa ating mga terminals or cemeteries just in case of emergencies,” saad ni Carunungan.

Sa parehong briefing, sinabi ni Carunungan na nakikipag-usap na rin sila sa mga mall operators para mabawasan ang mabigat na trapiko bago pa ang holiday season.

“We have certain preparations for Christmas. On the part of the MMDA, ‘yung sinabi pong meeting with the mall operators, sana po ‘yung mga sales sa weekend at kung may sale po dapat sila magbigay ng traffic management plan two weeks before para makatulong kami sa daloy ng trapiko. Sana po ‘yung mga [delivery] po nila sa night time with the exception of perishable goods such as food and water,” sabi niya.

Aniya pa, nakikipag-ugnayan na rin sila sa mga concessionaires hinggil sa pagsuspinde muna ng mga hinuhukay na mga daan at mgsa excavations.

“Nagpupulong na po together with different concessionaires such as Meralco, Maynilad, Manila Water regarding moratorium on road diggings and excavations from November 14 to the first week of January po. So, these are some preparations na ginagawa in relation to the upcoming Christmas rush po,” sabi pa ni Carunungan.