Para sa pelikulang "On the Job: The Missing 8”… John Arcilla, Best Actor sa Venice Film Festival

ni Jasmin Joy Evangelista | September 12, 2021

Gumawa ng kasaysayan si John Arcilla ngayong Linggo para sa Pilipinas bilang kauna-unahang Pilipino na nagkamit ng karangalan sa Coppa Volpi (Volpi Cup) bilang Best Actor sa 78th Venice Film Festival para sa kanyang pagganap sa pelikulang "On the Job: The Missing 8."

Kinilala ang kanyang husay sa pagganap bilang sa Sisoy Salas sa nasabing pelikula na dinirek ni Erik Matti.

Isa sa ang "On the Job: The Missing 8" sa official entries ng main competition ng film fest. Bukod kay Arcilla, kabilang din sa pelikula sina Dennis Trillo at Dante Rivero. Ito ay umiikot sa isang journalist kung saan inaalam ang mga ganap sa pagkawala ng kanyang mga kasamahan.

Sa Instagram post ni Dennis, ibinahagi niya ang video ni Arcilla na nagbibigay ng speech matapos ma-announce na siya ang winner.

Lubos ang kanyang pasasalamat at pinagsisisihan daw niyang hindi siya nakadalo para sana personal niyang matanggap ang Volpi Cup.

"Well if there is something that I really regret tonight is that I will not be able to kiss my own Volpi Cup there in the middle of Venice and on that red carpet just like the other 77 great actors whom I admire who have already kissed their own, this most wonderful and prestigious award...," ani Arcilla.

“So I am also the happiest actor tonight of course also because I know that we came from different countries and we have different languages and cultures and yet I can feel oneness tonight and I can feel that you understand me and we understand each other. It’s because of the art of cinema," dagdag niya.

Ayon sa Film Development Council of the Philippines, ang “On the Job: The Missing 8” ay ang kaisa-isang Southeast Asian film na napili para sa main competition na mayroong kabuuang 21 entries.

Samantala, ito ay ipapalabas din sa Rome at Milan.